كرب حلو وحادق شوفى ازى

وكمان بعمله كانيلونى وهقلكو دلوقتى ازااى

المقادير:

1كوب دقيق
2بيضة
1م كبيرة سكر بودرة
كوب حليب
معلقة ونص زبدة سايحة
ذرة ملح
فانيليا عشان زفارة البيض

هنضرب المقادير كلها مع بعض فى الخلاط وبعدين تجيبى طاسة مدهونة زيت بس،مش غرقانة زيت لاء تدهينها زيت بقطنة او شاشة كأنك بتمسحيها بس

وتجيبى كبشة وتاخدى بيها شوية من الخليط وتنزلى بحيث انك تعملىها دايرة فى الطاسة واول ماتحسى انها بدأت تستوى من تحت(على فكرة بستوى بسرعة جدا)تفردى الطبقة اللى فوق يعنى العجين الزايد تفرديه كدا فى الطاسة

وتقلبى بالمعلقة بالراحة على الوش التانى وتطلعيها وهى سخنة وهكذا لحد المقدار مايخلص

الحشو بئى:

لو حلو هتحشيها مربى مثلا،او خليط سكر وقرفة،او مثلا كريم شانتيه وكسترد،او كريم شانتيه وقشطة،او بسكويت مطحون وكريم شانتيه او بسكويت مطحون وكسترد،تباديل وتوافيق ياحلوات

تحطى الحشوة على الطرف شوية وتلفيها روول وتيجى فى الآخر تبلى الاطراف بماء عشان تلزق وترصيها فى صينية مدهونة زيت وتحطيها بحيث يكون مكان اللفة تحت عشان مش تتفتح وممكن تسقيها وتدخليها الفرن بسسسسسسسسس تاخد لوووون
وممكن تصبى عليها شوية حليب مكثف محلى وممكن شيكولاتة سايحة
واطلقى الخيااااااااااااال للابدااااااااااع

لو حادق عندك الابداع كللللللللللله وبتكون كانيلونى:
بحط على العجينة نفسها زعتر
جبنة وبقدونس ونعناع وزيتون اخضر لان الاسود بيمرر شوية
عندك جبنة رومى
عندك حبنة رومى ولانشون مع بعض
عندك خضااار طماطم مقطعة صعير وفلفل ولحمة مفرومة وشوية صلصة

ونفس الحكاية تدخليهم الفرن بس المرة دى تسقيها اييييييييه؟؟؟؟؟؟؟؟
عصير طماطم متسبكة شوية وممكن تدهنى وشها صلصة وترشى عليها رومى او موتزاريلا]