اللى عندها بسكوت سادة

لمقادير
6 باكو بسكويت سادة (انا جربت النواعم حلووو اوي )
2 علبة زبادي ( انا جربت جهينة )
2كوب صغير لبن بودرة (نيدو بودرة بس من غير مياة)او 5ملاعق كبيرة لبن بودرة
1/4 كوب سكر (حسب الرغبة )
2 ملاعق كبيرة سمن او زبدة
باكو كريم كراميل (هانستخدم البودرة فقط )
الطريقة
1- تطحني البسكويت كويس وبعدين تسيحي السمن علي النار لحد ما تسخن واطفي عليها وحطي عليها البسكويت المطحون
2- احضري صينية بيركس مقاس 24 ورصي البسكويت فيها وبططتية كويس في الصينيةودة اول طبقة وتدخلية في التلاجة ربع ساعة عقبال ما تجهزي الطبقة التانية
3-تجهزي الخلاط وتحطي فية الزبادي والسكر وبودرة اللبن ومعلقتين مية بالعدد متكتريش علشان ميسيلش وتضربي في الخلاط وتدوقية لو عايز سكر زودي بس هو مش بيحتاج سكر كتير
3- تجهزي الفرن علي درجة حرارة 160 درجة
4- تخرجي الصينية من التلاجة وتحطي عليها خليط الزبادي (الطبقة التانية ) وتدخليها الفرن تلت ساعة لحد مالزبادي يمسك
5- تجيبي باكو اكريم كراميل وتدوبية في كوب ماء مغلي (زي مابتعملي الشاي كشري كدة )وتقلبي لحد مايتخن شوية سيبية يبرد (كل دة من غير متحطية علي النار )
6- لما تخرج الصينية من الفرن سيبها لما تبرد خالص وحطي عليها الكريم كراميل من فوق ودخليها التلاجة 3 ساعات وقطعيها مثلثات وقدميها لاولادك هتعجبهم اوي

لو عجبتكم متنسونيش من صالح دعائكم